For this graded exercise, I propose a grammar review of sorts.
This is the take-home portion of the test: I am assuming you would study for this test between now and Friday, and so my idea is that I am focusing your studying rather than simply adding more work (I know it adds some more work). Your in-class test will consist of 4 sentences from Lucretius to translate.

Please:

1. find one each of the following in the Lucretius passage we have read. If you do not understand a grammar term, please ask.
   
2. Print out the text and circle the words that each item asks for and draw a clear arrow to a margin and write the number there (e.g. circle a predicate nominative word or phrase, write 1.1 in the margin, and draw a line from that '1.1' to the circled word or phrase: do not circle any more than the item indicated (if it is divided into two parts, use two circles) or it will be wrong. No electronic versions (except perhaps Astrid, for obvious reasons).
   
3. Only one instance per item is needed: circle more and, if I do correct them, if any are wrong, I'll give you partial credit based on how many are right divided by the total number attempted.
   

1. Nominative
1. Predicate Nominative: Forests are great. You are elected consul.
   
2. Accusative
1. accusative object of a preposition
2. direct object of a finite verb
3. direct object of an infinitive
   
4. subject of an infinitive in indirect speech
   
3. Genitive
1. genitive of possession 'a dog's bone'
   
2. objective or subjective genitive 'mother's love of children'
3. genitive dependent on an adjective 'similar to x'
   
4. Dative
1. indirect object
2. object of a compound verb (i.e. a verb that has a prefix + a simple verb, such as ad-mitto or re-mitto, etc.)
3. a 'double dative' construction
   
5. Ablative
1. ablative of manner
2. ablative of time when
3. ablative of description
4. ablative of instrument
5. ablative object of a verb that just takes the ablative as its normal object
   
6. infinitives
1. a complementary infinitive
2. an infinitive in indirect speech
7. subjunctives
1. a jussive subjunctive
2. in a nominal ut clause
3. in a result clause
4. in a purpose clause
5. a relative clause of characteristic
6. in a circumstantial cum clause
7. semi-independent subjunctive (aka Brooklyn subjunctive): I want you should... (=I want you to ..); it is permitted he should .... (= it is ok for you to...).
   
8. in a clause dependent on a subjunctive (subjunctive by 'contamination' or an equivalent name)
   
8. correlatives
1. a correlated ut ... sic 'just as ..., so ...'
   
9. relatives
1. a relative pronoun
2. a relative adverb "whence"
   
10. clauses
1. a causal clause in the indicative
11. gerund
1. a genitive gerund
2. an ablative gerund
   

In case it helps, here is the text which we have read (there may be a bit extra at the end)


 nunc redeo ad mundi novitatem et mollia terrae     780
arva, novo fetu quid primum in luminis oras     
tollere et incertis crerint committere ventis. 
Principio genus herbarum viridemque nitorem     
terra dedit circum collis camposque per omnis,     
florida fulserunt viridanti prata colore,     785
arboribusque datumst variis exinde per auras     
crescendi magnum inmissis certamen habenis.  
ut pluma atque pili primum saetaeque creantur     
quadripedum membris et corpore pennipotentum,     
sic nova tum tellus herbas virgultaque primum     790
sustulit, inde loci mortalia saecla creavit     
multa modis multis varia ratione coorta.   
nam neque de caelo cecidisse animalia possunt,     
nec terrestria de salsis exisse lacunis. 
linquitur ut merito maternum nomen adepta     795
terra sit, e terra quoniam sunt cuncta creata.   
multaque nunc etiam existunt animalia terris
imbribus et calido solis concreta vapore;     
quo minus est mirum, si tum sunt plura coorta     
et maiora, nova tellure atque aethere adulta.     800
principio genus alituum variaeque volucres     
ova relinquebant exclusae tempore verno,     
folliculos ut nunc teretis aestate cicadae     
lincunt sponte sua victum vitamque petentes.    
tum tibi terra dedit primum mortalia saecla.     805
multus enim calor atque umor superabat in arvis.    
hoc ubi quaeque loci regio opportuna dabatur,    
crescebant uteri terram radicibus apti;     
quos ubi tempore maturo patefecerat aetas     
infantum, fugiens umorem aurasque petessens,     810
convertebat ibi natura foramina terrae     
et sucum venis cogebat fundere apertis     
consimilem lactis, sicut nunc femina quaeque     
cum peperit, dulci repletur lacte, quod omnis     
impetus in mammas convertitur ille alimenti.     815
terra cibum pueris, vestem vapor, herba cubile     
praebebat multa et molli lanugine abundans.    
at novitas mundi nec frigora dura ciebat     
nec nimios aestus nec magnis viribus auras.    
omnia enim pariter crescunt et robora sumunt.     820
Quare etiam atque etiam maternum nomen adepta
terra tenet merito, quoniam genus ipsa creavit     
humanum atque animal prope certo tempore fudit    
omne quod in magnis bacchatur montibus passim,
aëriasque simul volucres variantibus formis.     825
sed quia finem aliquam pariendi debet habere,     
destitit, ut mulier spatio defessa vetusto.    
mutat enim mundi naturam totius aetas     
ex alioque alius status excipere omnia debet     
nec manet ulla sui similis res: omnia migrant,     830
omnia commutat natura et vertere cogit.     
namque aliud putrescit et aevo debile languet,     
porro aliud <suc>crescit et <e> contemptibus exit.    
sic igitur mundi naturam totius aetas     
mutat, et ex alio terram status excipit alter,     835
quod potuit nequeat, possit quod non tulit ante.    
  Multaque tum tellus etiam portenta creare     
conatast mira facie membrisque coorta,     
androgynem, interutras necutrumque utrimque remotum,    
orba pedum partim, manuum viduata vicissim, 840
muta sine ore etiam, sine voltu caeca reperta,     
vinctaque membrorum per totum corpus adhaesu,
nec facere ut possent quicquam nec cedere quoquam    
nec vitare malum nec sumere quod volet usus.    
cetera de genere hoc monstra ac portenta creabat,     845
nequiquam, quoniam natura absterruit auctum     
nec potuere cupitum aetatis tangere florem     
nec reperire cibum nec iungi per Veneris res.    
multa videmus enim rebus concurrere debere,    
ut propagando possint procudere saecla;     850
pabula primum ut sint, genitalia deinde [ut sint] per artus    
semina qua possint membris manare remissis,     
feminaque ut maribus coniungi possit, habere,     
mutua qui mutent inter se gaudia uterque.    
Multaque tum interiisse animantum saecla necessest     855
nec potuisse propagando procudere prolem.    
nam quaecumque vides vesci vitalibus auris,     
aut dolus aut virtus aut denique mobilitas est     
ex ineunte aevo genus id tuta<ta> reservans.   
multaque sunt, nobis ex utilitate sua quae     860
commendata manent, tutelae tradita nostrae.    
principio genus acre leonum saevaque saecla      
tutatast virtus, volpes dolus et fuga cervos.    
at levisomna canum fido cum pectore corda,     
et genus omne quod est veterino semine partum     865
lanigeraeque simul pecudes et bucera saecla     
omnia sunt hominum tutelae tradita, Memmi;     
nam cupidē fūgēre ferās pācemque secuta     
sunt et larga suo sine pabula parta labore,     
quae damus utilitatis eorum praemia causa.     870
at quis nil horum tribuit natura, nec ipsa     
sponte sua possent ut vivere nec dare nobis     
utilitatem aliquam, quare pateremur eorum     
praesidio nostro pasci genus esseque tutum,     
scilicet haec aliis praedae lucroque iacebant     875
indupedita suis fatalibus omnia vinclis,
donec ad interitum genus id natura redegit.     
  Sed neque Centauri fuerunt nec tempore in ullo     
esse queunt duplici natura et corpore bino     
ex alienigenis membris compacta, potestas     880
hinc illinc partis ut sat par esse potis sit.    
id licet hinc quamvis hebeti cognoscere corde.   
principio circum tribus actis impiger annis     
floret equus, puer haut quaquam; nam saepe etiam nunc     
ubera mammarum in somnis lactantia quaeret.     885
post, ubi equum validae vires aetate senecta     
membraque deficiunt fugienti languida vita,     
tum demum puerili aevo florente iuventas     
officit et molli vestit lanugine malas;     
ne forte ex homine et veterino semine equorum     890
confieri credas Centauros posse neque esse,     
aut rapidis canibus succinctas semimarinis     
corporibus Scyllas et cetera de genere horum,     
inter se quorum discordia membra videmus;     
quae neque florescunt pariter nec robora sumunt     895
corporibus neque proiciunt aetate senecta     
nec simili Venere ardescunt nec moribus unis     
conveniunt neque sunt eadem iucunda per artus.    
quippe videre licet pinguescere saepe cicuta    
barbigeras pecudes, homini quae est acre venenum.     900
flamma quidem <vero> cum corpora fulva leonum    
tam soleat torrere atque urere quam genus omne     
visceris in terris quodcumque et sanguinis extet,    
qui fieri potuit, triplici cum corpore ut una,     
prima leo, postrema draco, media ipsa, Chimaera     905
ore foras acrem flaret de corpore flammam?    
quare etiam tellure nova caeloque recenti     
talia qui fingit potuisse animalia gigni,     
nixus in hoc uno novitatis nomine inani,     
multa licet simili ratione effutiat ore,     910
aurea tum dicat per terras flumina vulgo     
fluxisse et gemmis florere arbusta suësse     
aut hominem tanto membrorum esse impete natum,
trans maria alta pedum nisus ut ponere posset     
et manibus totum circum se vertere caelum.     915
nam quod multa fuere in terris semina rerum,     
tempore quo primum tellus animalia fudit,     
nil tamen est signi mixtas potuisse creari     
inter se pecudes compactaque membra animantum,    
propterea quia quae de terris nunc quoque abundant     920
herbarum genera ac fruges arbustaque laeta     
non tamen inter se possunt complexa creari,     
sed res quaeque suo ritu procedit et omnes     
foedere naturae certo discrimina servant.    
  Et genus humanum multo fuit illud in arvis     925
durius, ut decuit, tellus quod dura creasset,     
et maioribus et solidis magis ossibus intus     
fundatum, validis aptum per viscera nervis,     
nec facile ex aestu nec frigore quod caperetur     
nec novitate cibi nec labi corporis ulla.     930
multaque per caelum solis volventia lustra     
volgivago vitam tractabant more ferarum.    
nec robustus erat curvi moderator aratri     
quisquam, nec scibat ferro molirier arva     
nec nova defodere in terram virgulta neque altis     935
arboribus veteres decidere falcibus ramos.    
quod sol atque imbres dederant, quod terra crearat    
sponte sua, satis id placabat pectora donum.    
glandiferas inter curabant corpora quercus     
plerumque; et quae nunc hiberno tempore cernis     940
arbita puniceo fieri matura colore,     
plurima tum tellus etiam maiora ferebat.    
multaque praeterea novitas tum florida mundi     
pabula dura tulit, miseris mortalibus ampla.    
at sedare sitim fluvii fontesque vocabant,     945
ut nunc montibus e magnis decursus aquai     
clari citat late sitientia saecla ferarum.    
denique nota vagis silvestria templa tenebant     
nympharum, quibus e scibant umore fluenta     
lubrica proluvie larga lavere umida saxa,     950
umida saxa, super viridi stillantia musco,     
et partim plano scatere atque erumpere campo. 
necdum res igni scibant tractare neque uti     
pellibus et spoliis corpus vestire ferarum,     
sed nemora atque cavos montis silvasque colebant     955
et frutices inter condebant squalida membra     
verbera ventorum vitare imbrisque coacti.    
nec commune bonum poterant spectare neque ullis     
moribus inter se scibant nec legibus uti.    
quod cuique obtulerat praedae fortuna, ferebat     960
sponte sua sibi quisque valere et vivere doctus.   
et Venus in silvis iungebat corpora amantum;     
conciliabat enim vel mutua quamque cupido     
vel violenta viri vis atque inpensa libido     
vel pretium, glandes atque arbita vel pira lecta.     965