Horace 4.7

Horace Carmen IV.7:
Open this window wide enough that Horace's poem's line numbers work.

Diffugere nives, redeunt iam gramina campis        1
arboribusque comae;
mutat terra vices, et decrescentia ripas
flumina praetereunt.
Gratia cum Nymphis geminisque sororibus audet 5
ducere nuda choros.
inmortalia ne speres, monet annus et almum
quae rapit hora diem.
frigora mitescunt Zephyris, ver proterit aestas,
interitura, simul                                                     10
pomifer autumnus fruges effuderit, et mox
bruma recurrit iners.
damna tamen celeres reparant caelestia lunae:
nos ubi decidimus
quo pius Aeneas, quo dives Tullus et Ancus,         15
pulvis et umbra sumus.
quis scit an adiciant hodiernae crastina summae
tempora di superi?
cuncta manus avidas fugient heredis, amico
quae dederis animo.                                              20
cum semel occideris et de te splendida Minos
fecerit arbitria,
non, Torquate, genus, non te facundia, non te
restituet pietas.
infernis neque enim tenebris Diana pudicum          25
liberat Hippolytum
nec Lethaea valet Theseus abrumpere caro
vincula Pirithoo.

Abierunt nives, iam agris herbae renascuntur, et frondes arboribus.

Terra mutat conditionem: atque fluvii imminuti labuntur iuxta ripas.

Gratia cum Nymphis ac binis sororibus non veretur nuda choreas celebrare.

Annus et hora, quae gratum diem aufert, immortalitatem sperare vetat.

Hiems temperatur Zephyris: vernam tempestatem absumit aestiva similiter peritura, postea quam autumnus fruges produxerit; statimque pigra redeunt frigora.

Lunae tamen cito resarciunt detrimenta coeli: at nos, simul ac devenimus, eo, quo bonus Aeneas, Tullius opulentus, atque Ancus deciderunt, sumus dumtaxat cinis et umbra.

Quis novit utrum coelestia numina diem crastinam hodiernae sint additura?

Quae genio benigne indulseris, haec avaras manus haeredis effugient: postquam interieris, et Minos de te iudicium ultimum protulerit; nec stirps nobilis nec eloquentis nec pietas reparabit te, o Torquate.

Enimvero neque Diana castum Hippolytum eximit inferorum caligine nec Theseus dilecti Pirithoii catenas infernales potest solvere.

Lines 1-12

Translate lines 1-12 of the poetry and the prose (which means roughly the same thing as the poetry).

Find in the poetry:

All 12 finite verbs, their subjects, and their objects (as appropriate: impersonals have no subject, intransitives have no object).

Subject	Verb	Object(s), if any

Find 7 adjectives (including participles) and identify what they modify.

adjectives	what they modify

How many subordinate clauses are there in these 12 lines?

Scan the lines: they come in pairs, called 'couplets'
the first line is a dactylic hexameter

DUM dada DUM dada DUM dada DUM dada DUM dada DUM DA

and the second line is the first half of a dactylic hexameter (i.e. two dactyls/spondees + one more syllable

DUM dada DUM dada DUM

BUT REMEMBER THAT ANY OF THE DACTYLS ABOVE CAN BE REPLACED BY A SPONDEE!

https://upload.wikimedia.org/wikipedia/commons/3/31/Claudian_table_IMG_1073-black.jpg