The Latin selections for this year's Probatio and Skits have been adapted from the works of Hyginus, an author of uncertain date, but extremely important in the transmission of classical mythology and astronomy to Western Europe. The Praefatio below explains the author's reason for writing; the Descriptio Mundi gives a good sense of how the ancients pictured the world and the movements of the stars; the Fabulae Zodiaci Circuli explore the mythology associated with each of the twelve signs of the Zodiac.
The skits will be based on this common syllabus of texts. The idea for the skits (4 minutes each, same as last year) is to make a loosely coordinated effort to cover the whole astronomical year, as it were, in an hour. Each school will dramatize a different sign of the Zodiac. Star signs will be meted out on a first come, first serve basis. Please email Prof. Mark Usher (musher@zoo.uvm.edu) with your school's choice as soon as possible. (Please include your top three preferences.) If we happen to have more than 12 participating schools, myths of other star signs may be dramatized.
Teams preparing for the Senior Probatio should read and study all these passages, paying special attention to new vocabulary. The Praefatio and Descriptio Mundi should be read and understood by teams for the Junior Probatio as well. Several words and phrases (including Greek forms) have been glossed below and constructions involving the subjunctive mood have been indicated, for those who have not yet learned the subjunctive. Teachers may explain these constructions to their students as necessary.
In his igitur tam multis et variis rebus non erit mirum quod [here = "that"] multa scripsimus. Sapientes enim non magnitudinem voluminis, sed rerum multitudinem debent spectare. Non levibus occupatus rebus cupio admirationem tuam, carissime lector, captare. Nam stellarum omnium non inutile videtur historias proponere, quae certe et utilitatem ad scientiam, et iucunditatem ad delectationem dabunt lectoribus. Sed ne diutius loquamur, ad propositum veniamus et initium rerum demonstrabo.
Mundus constat ex sole et luna et terra et omnibus stellis. Terra in media regione conlocata est et centrum obtinet mundi. Oceanus autem prope totius orbis adluit fines; itaque et signa stellarum occidentia in eum decidere videntur. Inter arcticum et aestivum finem [i.e., the Arctic Circle and the Tropic of Cancer ] terra dividitur in partes tres: una pars Europa, altera Asia, tertia Africa vocatur. Europam igitur ab Africa dividit mare ab extremis Oceani finibus et Herculis columnis [= the Straits of Gibraltar]. Asiam autem et Libyam cum Aegypto separat os Nili fluminis. Asiam ab Europa Tanais flumen [= the Don] dividit bifariam se coniciens in paludem quae Maeotis [= the Sea of Azov] appellatur. Hac igitur definitione facile videtur mare omnibus adiectum finibus terrae.
His enumeratis, ad duodecim signa astrorum perveniamus. Ea sunt haec: Aries, Taurus, Gemini; deinde Cancer cum Leone et Virgine; praeterea Libra, dimidia pars Scorpionis et ipse Scorpius cum Sagittario et Capricorno; Aquarius autem cum Piscibus reliquas habet partes. Haec signa omnia zodiacus circulus appellantur.
Luna autem cum diebus triginta duodecim signa percurrit. Haec a sole lumen accipit et ex toto mundo et omnibus stellis maxime terrae proxima videtur. Pervenit luna ad eundem locum quo sol vehitur. Itaque sol [sol is the subject of all the following verbs], per zodiacum circulum currens neque extra eum transiens, ita quattuor tempora [here = "seasons"] definit. Nam ab Ariete incipiens ver ostendit; et Taurum et Geminos transiens idem tempus significat. Sed iam capita Geminorum tangere videtur, et per Cancrum et Leonem et Virginem transiens, aestatem efficit. Et rursus a Virginis extrema parte transire ad aequinoctialem circulum persipicitur; in Libra autem autumnum significare incipit. Ab hoc signo transiens ad Scorpium et Sagittarium, et Capricorno, Aquario, Piscibus hiemem transigit.
Aries: Hoc signum est aries, qui habuit auream pellem. Phrixus, rex Colchorum, consecraverat hanc pellem, servante dracone, in templo Martis. Eandem Iason petivit. Aeetes, qui rex in Colchide erat, Iasoni hunc laborem constituit: si vellet pellem auratam auferre, tauros aeripedes, qui flammas naribus spirabant, iungeret et agrum araret dentesque draconis ex galea sua sereret, ex quibus gens armatorum statim enasceretur et se mutuo interficerent. Iason ipse a Medea, Veneris impulsu, amatus est; cuius beneficio ab omni periculo liberatus est. Nam cum agrum tauris araret et armati essent e terra enati, Medeae monitu, lapidem inter eos abiecit; illi inter se pugnantes alius alium interfecerunt. Dracone autem venenis sopito, pellem de templo rapuit, in patriamque cum Medea fugit.
Taurus: Taurus inter astra constitutus est, quod Europam, Agenoris filiam, incolumem transvexit Cretam. Iuppiter se in taurum convertit et Europam a Sidone Cretam transportavit. Pater Agenor Cadmum misit ut sororem reduceret. Cadmus Delphos devenit et ibi responsum accepit, ut a pastoribus bovem emeret, qui lunae signum in latere haberet, eumque ante se ageret; ubi bovis decubuisset, ibi fatum esse eum oppidum condere et ibi regnare. Cadmus, sorte audita, aquam quaesivit et ad fontem Castalium venit, quem draco custodiebat. Hic a Cadmo lapide est interfectus, dentesque eius, Minerva monstrante, sparsit, unde Spartoe (= "Sown men") sunt enati, qui inter se pugnaverunt. Ex bove autem, quem Cadmus secutus fuerat, Boeotia est appellata.
Gemini: Hos multi astrologi Castorem et Pollucem, fratres Lacedaemonios, Iovis et Ledae filios, esse dicunt. Omnium fratrum inter se amantissimi fuerunt. Numquam contenderunt, neque ullam rem sine communi consilio fecerunt. Castor autem est occisus quo tempore Lacedaemones cum Atheniensibus bellum gerebant. Quam ob rem Pollux dedit fratri dimidiam vitam. Itaque alternis diebus quisque lucet. Pro his officiis eorum Iuppiter inter notissima sidera eos constituit. Neptunus quoque pro eisdem officiis muneravit; nam equos, quibus utuntur Gemini, ipse donavit et dedit eis potestatem ut iuturi essent naufragos [Purpose Clause].
Cancer: Hic ab Iunone pro beneficio quodam inter duodecim signa conlocatus est. Fabula est haec: Erat monstrum nomine Hydra, Typhonis filia, quae habuit capita novem et tantam vim veneni ut afflatu homines necaret. Cum Hercules contra Hydram ad fontem Lernaeum pugnaret, cancer ex palude pedem Herculis momordit; quare Hercules, valde iratus, eum interfecit. Hydram quoque, Minerva monstrante, interfecit et exinteravit [="disembowelled"] et eius veneno sagittas suas tinxit; itaque quicquid postea sagittis fixerat Heracles, mortem non effugiebat.
Leo: Hic ab Iove inter astra constitutus est, quod omnium ferarum princeps est et quod leonem in primo labore Hercules inermis interfecit. Erat leo in Nemaea, regione Graecorum, quem Luna aluit in antro ferocem. Hunc Heracles necavit et pellem eius pro tegumento [= "protective covering"] habuit. Sunt septem stellae ad caudam leonis in triangulo conlocatae, quas crines Berenices [= Greek gen.] Callimachus, poeta Graecus, appellat. Fabula est haec: Ptolomaeus, rex Alexandrinorum, duxit Berenicen [= acc.], sororem suam, uxorem, sed paucis post diebus necesse erat ut ipse ad Asiam oppugnandam discederet. Berenice [= nom.] vovit se crinem detonsuram esse ut Ptolomaeus victor redeat [Purpose Clause], et posuit suum crinem in templo Veneris. Postero die crinem nemo poterat reperire. Conon autem mathematicus, cupiens inire gratiam regis reginaeque, dixit crinem inter sidera conlocatum fuisse et ad septem stellas in caude leonis ostendit.
Virgo: Hanc poetae Graeci dicunt, alii filiam Iovis et Themidis, alii Astraei et Aurorae. Haec virgo eodem tempore nata est cum [here = "as"] aurea saecula hominum et erat princeps eorum. Quam propter diligentiam et aequitatem Iustitia appellata est; neque illo tempore bella inter homines erant, neque navigium, sed agris colendis vitam omnes agebant. Sed post hoc saeculum pristinum homines minus officiosi et magis avari coeperunt fieri, quare minus Iustitia inter homines habitabat. Denique genus, quod aeneum dicitur, natum est. Itaque iam non potuit tolerare amplius et Iustitia ad sidera evolavit.
Libra: Libra est una pars signi Scorpionis. Libra est apparatus in quo pondera pendent. Virgo Iustitia saepe gerit libram in manibus (vide fabulam supra). Nonnulli dicunt Iustitiam, sicut Fortunam, esse caecam. Pendet in libra sua animas hominum bonorum malorumque, sicut olim pendebat Juppiter animas Achillis Hectorisque in campo Troiano. Haec fabula reperiri potest apud Homerum, magnum illum poetam, in Iliadis libro XXII.
Scorpio: Hoc signum hac de causa in caelo conlocatum est: Orion, magnus venator, in venando se expertissimum esse gaudebat. Dixit etiam Dianae et Latonae, deabus silvarum potentibus, se omnia, quae ex terra oriantur, interficere posse. Terra autem, valde irata, scorpionem misit, qui Orionem interfecit. Iovis autem, utriusque animum laudans, scorpionem inter astra posuit ut homines moneret [Purpose Clause] ne quis eorum aliqua re sibi confideret [negative Purpose Clause]. Diana autem propter amorem Orionis petivit ab Iove ut idem beneficium daret illi [Indirect Command]. Itaque hoc signum ita consitutum est ut cum [here = "when"] Scorpius exoriatur, occidat Orion [Result Clause].
Sagittarius: Hunc complures centaurum esse dicunt, filium Panis, nomine Crotum, qui olim mortalis fuerat. Habuit Crotos domicilium suum in monte Helicone cum Musis et exercitur studio venationis. Celerrimus in silvis et acutissimus in artibus Musarum erat. Pro qua diligentia illius Musae petiverunt ab Iove ut in aliquo astrorum numero conlocatus esset [Indirect Command]. Itaque Iovis fecit et omnia illius studia uno corpore significavit: crura Croti equina fecit, quod equo multum [here = adv.] est usus, et sagittas adiunxit ut ex his et acumen et celeritas videretur [Purpose Clause]. Caudam satyricam in corpore fixit, quod iam non minus Croto Musae, quam Liber Satyris sit delectatus. Ante huius pedes sunt stellae paucae. Hae tamquam corona eius ut ludentis videntur abiectae.
Capricorn: Hoc signum biforme dicitur Pan, cuius inferior pars in speciem piscis formatur. Fabula est haec: Cum Iuppiter bellum cum Titanis gereret, Pan obiecit hostibus timorem qui panikov" ("panic" > Pan) appellatur et murices [= "sea shells"] pro lapidibus in hostes iecit. Deinde, cum Iuppiter obpugnaret Typhona [= Greek acc.], monstrum immani magnitudine, cui centum capita draconum ex umeris sunt, et percussit pectus eius fulmine ardenti, Pan desiliut in flumen et fugit. Hac de causa posterior pars corporis effigies piscis, altera autem hirci est formata. Pro beneficio et ingenio eius Iovis fixit eum inter sidera.
Aquarius: Hunc multi Ganymedem esse dicunt, quem Iuppiter sub specie aquilae eripuit parentibus propter pulchritudinem corporis et deorum ministrum fecit. Itaque aquila, alterum signum stellarum, supra Aquarium volare [> volo, -are, not volo, velle] videtur. Alii autem Deucaliona [= Greek acc.] dicunt esse, quod eo regnante tanta vis aquae se de caelo profudit, ut diluvium factum esset. Illo tempore omne genus humanum periit praeter Deucalionem et Pyrrham, uxorem eius, qui in montem Aetnam, qui altissimus in Sicilia est, fugerunt. Hi propter solitudinem vivere non poterant. Petiverunt autem ab Iove, ut alios homines faceret [Indirect Command]. Tum Iovis iussit eos lapides post se iactare; quos Deucalion iactavit, viros esse iussit, quos Pyrrha, mulieres. Ob eam rem laov" (= homines) dictus, la'" enim Graece lapis dicitur.
Pisces: Quodam tempore Venus cum Cupidine filio in Syriam ad flumen Euphraten venit. Eodem loco repente Typhon, monstrum immani magnitudine, cui centum capita draconum ex umeris sunt, apparuit. Venus autem cum filio in flumen se proiecit et ibi figuram piscium forma mutavit: quo facto, periculo erant liberati. Itaque postea Syros, qui in his locis sunt proximi, destiterunt pisces gustare; nam non cupiverunt eos captare aut videri praesidia deorum inpugnare.