Ecce Caesar nunc triumphat qui subegit Galliam,
Civiumque multitudo celebrat victoriam.
Gaius Iulius Caesar noster, imperator, pontifex,
Primum praetor, deinde consul, nunc dictator, moxque rex.
En victores procedentes, laeti floribus novis,
Magna praeda sunt potiti et captivis plurimis.
Exsultantes magna voce Io triumphe! concinunt,
Dum auratum ante currum victas urbes praeferunt.
Legiones viam sacram totam complent strepitu,
Capitolinumque collem scandit Caesar in curru.
O sol pulcher, aster magne! Caesarem recepimus,
Et corona triumphali honoratum vidimus